Samarqand xalqaro aeroporti - O‘zbekiston bo‘ylab qatnov bo‘yicha ikkinchi o‘rinda turadi (Toshkentdan keyin). U yiliga 800,000 dan ziyod yo‘lovchilarga xizmat ko‘rsatadi. Aeroport shaharning shimoliy qismida, dengiz sathidan 680 metr balandlikda joylashgan.
2022-yilda soatiga 1200 ta yo‘lovchiga (avvalgi 400 ni o‘rniga) xizmat ko‘rsatishga qodir bo‘lgan yangi terminal ishga tushirildi. Terminal binosi buyuk olim Mirzo Ulug‘bekning asosiy mehnati bo‘lmish “Ko‘ragoniy yangi astronomik jadvali” timsollashtiradi. Terminal tomidagi yonib turgan yulduz turkumlari uchib kelayotgan va ketayotgan yo‘lovchilar uchun bonus bo‘lib, ularni havo kemalarining yangi aeroportdan uchib chiqish va qo‘nishlarida kuzatish mumkin.
Aerovokzal majmuasida barcha xalqaro standartlarga javob beruvchi xizmatlarning barcha turlari mavjud: VIP va CIP zallar, ona va bola xonasi, tibbiy punkt, aviakassalar, shaharlararo va xalqaro telefon aloqa xizmatlari, barlar, valyutani ayirboshlash shahobchasi, Duty Free do‘konlari. Aeroportdan Samarqand markazigacha masofa 8 km’ni tashkil qiladi va shaharning istalgan nuqtasigacha ham taksida, ham shahar avtobuslarida yetib borish mumkin.
