03.09.2025
2025-yil 3–16-sentyabr kunlari Silk Road Samarkand turizm markazida FIDE Grand Swiss va FIDE Women’s Grand Swiss 2025 turnirlari bo'lib o'tadi.
Turnirlar 2026-yilgi Jahon shaxmat chempionati uchun saralash bosqichi hisoblanadi. Musobaqada butun dunyo bo'ylab jami 172 nafar shaxmatchi ishtirok etishi kutilmoqda: 116 nafari Grand Swiss, 56 nafari ayollar musobaqasida.
Turnirlar Shveytsar tizimi asosida 11 tur davomida o‘tkaziladi.
Har ikki turnirda yuqori o‘rinni egallagan ikki nafardan ishtirokchi mos ravishda 2026-yilgi FIDE nomzodlar turniri va FIDE Ayollar o'rtasisidagi nomzodlar turniriga yo‘llanma oladi.
Umumiy mukofot jamg‘armasi — 855 000 AQSH dollar, shundan 625 000 — Grand Swiss uchun, 230 000 — ayollar musobaqasi uchun ajratilgan.
Grand Swiss turniri har ikki yilda bir marta o‘tkaziladi va u dunyodagi eng nufuzli va raqobatbardosh musobaqalardan biri hisoblanadi.
