21.02.2024
Shu yilning avgust oyida Silk Road Samarkand sayyohlik markazida baydarka va kanoeda eshkak eshish bo‘yicha jahon chempionati bo‘lib o‘tadi, unda butun dunyodan eng yaxshi baydarka va kanoechilar yig‘iladi.
Joriy yilning 23-25 - avgust kunlari baydarka va kanoeda eshkak eshish bo‘yicha Markaziy Osiyodagi barcha jahon standartlari va Olimpiya talablariga javob beradigan yagona eshkak eshish kanalida kattalar o‘rtasida jahon chempionati bo‘lib o‘tadi.
O‘zbekistonda uch yildan beri sportning eng ommabop turlari bo‘yicha jahon chempionatlari o‘tkazilmoqda. Samarqand ham sport, ham boshqa sohalarda xalqaro tadbirlar o‘tkaziladigan mashhur maskanga aylanib bormoqda. Buning uchun Silk Road Samarkand majmuasida bir vaqtning o‘zida 30 mingdan ortiq mehmonni qabul qilish imkonini beruvchi barcha shart-sharoitlar mavjud.
